Logo

बिहिवार, कार्तिक १३ गते २०७७

images
TRENDING
images

प्रहरीलाई कुटपिट गरी घाईते बनाएको आरोपमा दिल्लीमा २ नेपाली पक्राउ

प्रहरीलाई कुटपिट गरी घाईते बनाएको आरोपमा दिल्लीमा २ नेपाली पक्राउ

images

इच्छाकामना न्युज

१५, आश्विन २०७७
प्रहरीलाई कुटपिट गरी घाईते बनाएको आरोपमा दिल्लीमा २ नेपाली पक्राउ

काठमाडौं। भारतको राजधानी नयाँ दिल्लीमा २ जना नेपाली पक्राउ परेका छन् । ती दुई नेपालीले त्यहाँ बेसबलको ब्याटले एक अर्का व्यक्तिलाई कुटिरहेका बेला एक जना पुलिसकर्मीले उनीहरुलाई रोक्न खोज्दा उनीहरुले पुलिसलाई नै घाइते बनाएर भागेको समाचार एजेन्सी प्रेस ट्रस्ट अफ इण्डियाले जनाएको छ । पक्राउ परेकाहरु ३० वर्षका बुद्धिमान लामा र २९ वर्षका रंगध्वज वाइवा भएको बताइएको छ ।

उनीहरु चिराग दिल्लीमा बस्दै आइरहेको पुलिसले जनाएको छ । गएको सेप्टेम्बर २५ मा मालवीय नगर पुलिस स्टेशनमा तैनाथ हेड कन्स्टेबल पवन कुमारले ती दुईजनाले शिवालिक रोडमा एक जनालाई बेसबल ब्याटले कुटिरहेको फेला पारेका थिए । कुमारले उनीहरुलाई रोकेपछि उनीहरु एउटा कारमा चढेर भागे । हेड कन्स्टेबल कुमारले उनीहरुलाई भेटेर ड्राइभरलाई समाते उनीहरुले त्यत्तिकै कार दौडाए र हेड कन्स्टेबल कुमार गाडीसँगै घिसारिँदै केही परसम्म पुगे ।

कुमारले कारमा समाइरहेको हात फुस्किएर खसेपछि उनीहरु कार लिएर भागेका थिए । कन्स्टेबल कुमारको बायाँ हात धेरै ठाउाबाट भाँचिएको र अन्य चोट समेत लागेको बताइएको छ । डिसीपी पुलिस (साउथ) अतुल कुमार ठाकुरका अनुसार उनीहरुसँग भेटिएका ५ वटा मोवाइल फोन र कार पुलिसले जफत गरेको छ ।

प्रकाशित मिति :आश्विन १५, २०७७ बिहिवार - १२:३५:४२ बजे

इच्छाकामना न्युज

Copyright © All right reserved to ichchhakamananews Site By: SobizTrend Technology